Dec. 8, 2020

Clipping Distortion / Distort by Overload

Clip ဆိုတဲ့ ဝေါဟာရ က Audio Engineering လေ့လာနေတဲ့ သူတွေ / လုပ်ကိုင်နေတဲ့သူတွေ ရင်နှီးကျွမ်းဝင်ပြီးသားဖြစ်မှာပါ ။ Recording , Mixing , Mastering  စတဲ့ လုပ်ငန်းတွေမှာ ဆို အသုံးပြုတဲ့ D.A.W , Audio Interface , Pre-amp , Speaker  တွေကနေ Red Light လေးပြပြီး အချက်ပေးလေ့ရှိပါတယ်။ အဲ့အချိန်မှာ ဆို ကျွန်တော်တို့ အနေနဲ့ Fader တွေ ဒါမှမဟုတ် Knobs တွေ လျော့ချပြီး Clip မဖြစ်အောင် ချိန်ကြလေ့ရှိပါတယ် ။ 

 

Speaker တွေမှာ Clipping ဖြစ်ရင် သိထားရမှာက Clipping အချိန်ကြာလာတာနဲ့အမျှ သူ့ရဲ့ maximum limit ထက် ကျော်ပြီး အလုပ်လုပ်နေရတဲ့ အတွက် overheating ဖြစ်ပြီး Speaker ကို Damage ဖြစ်စေနိုင်ပါတယ် ။ ဒါပေမယ့် 80’s လောက်က စပြီး Speaker  တွေ ထဲမှာ Soft-Clip  Circuit တွေကို ထည့်သွင်းအသုံးပြုလာကြပါပြီ Speaker ရဲ့ input level မှာ သူ့ရဲ့ သတ်မှတ်ထားတဲ့ maximum level ထက် 10db ကျော်လာတဲ့ signal တွေကို soft-clip Circut တွေက Limiter  သဘောမျိုး အလုပ်လုပ်ပြီး လျော့ချပေးတယ်လို့ Lound Speaker စာအုပ်မှာ ကျွန်တော်ဖတ်ဖူးပါတယ် ။

 

Clip ဘယ်လိုဖြစ်လာသလဲ? 

 

Technical terms  တွေကို အတက်နိုင်ဆုံးရှောင်ပြီး လေ့လာနေသူတွေအတွက် အရိုးရှင်းဆုံးကြိုးစား ရေးပေးပါမယ် ။ 

Amplifier ဒါမှမဟုတ် Speaker တွေဟာ သူတို့အလုပ်လုပ်နိုင်တဲ့ maxiamum limit volated ထက်ကျော်တဲ့ Overdriven signal တွေကို Output ထုတ်ပေးရတဲ့အခါ waveform တွေ distortion ဖြစ်ခြင်းကို Clip ဖြစ်ခြင်းလို့ မှတ်ယူနိုင်ပါတယ်။

နောက်ပြီး D.A.W  ပေါ်မှာ မြင်ရတဲ့ digital clipping တွေမှာလဲ  0dbFS ထက်ကျော်လွန်သွားတဲ့အခါ မှာ မြင်ဖူးကြမယ်ထင်ပါတယ် waveform တွေကို လေးထောင့်  ပုံသဏ္ဌာန် အပေါ်အောက်  flat အဖြစ်နဲ့ ဖျက်ချခံလိုက်ရတာကို သိကြမယ်ထင်ပါတယ် ။ 

 

ဒါဆို Clipping ကမကောင်းတာလား? 

 

အဲ့လိုတော့ လုံးဝဥဿုံ မဟုတ်ပါဘူးသူ့နေရာနဲ့သူ အသုံးပြုလို့ရပါတယ် ။ ဒီနေရာမှာနဲနဲလေး လေကြောရှည် အဲ ပေရှည်မယ်နော် နဲနဲပဲ 😉

တစ်ရက်ကြတော့ The Peacists က Vocalist အောင်ချမ်းမင်းက ကျွန်တော့်ကို ဖုန်းဆက်လာတယ် သူတို့ Producer က ကျွန်တော်နဲ့ စကားပြောချင်လို့တဲ့ အဲ့အချိန်က သူတို့ရဲ့ ကြယ်ကမ္ဘာခရီးစဥ် ထွက်ပြီး မကြာသေးဘူးပေါ့ ဒါနဲ့ ကျွန်တော်တို့ တွေ့ဖြစ်ကြတယ်ပေါ့ အဲ့မှာ သူတို့က ကိုကျားပေါက်နဲ့ အတူတွဲလုပ်မယ့် ရေဘဝဲရဲ့အိပ်မက် သီချင်းကို ကျွန်တေ့်ာကို တီးပြ တယ် ကျွန်တော်နဲ့ တိုင်ပင်ကြတယ်ပေါ့ ကျွန်တော်က လဲ အရှေ့တွေမှာ သူတို့နဲ့ အချိန်တော်တော်ကြာ အတူတွဲလုပ်ခဲ့တော့ Player တစ်ယောက်ချင်းစီ အကြိုက်ကို (တကယ့်ငစားတွေဗျ) သိတယ်လေ အဲ့တော့ Guitar Colour လေးတွေ အစငါတို့ Dotted 8thနဲ့ ဘယ်လိုဖမ်းမယ် ဘာညာ တစ်ထိုင်ထဲ ကျွန်တော် လုပ်ချင်တဲ့ ပုံစံကိုပြော ပြပြီး ပြန်လာခဲ့တယ် နောက်မကြာဘူး ကျွန်တော့် Frequency Studio မှာ ကျွန်တော် ကိုယ်တိုင် အသံဖမ်းပေးရတာပေါ့ ကိုကျားပေါက်ရဲ့ လိုင်းတွေက လွဲပြီး ကျန်တာ ကျွန်တော်ပဲ ဖမ်းပေးရတာပေါ့ ဖမ်းနေရင်းနဲ့ ကျွန်တော် idea တစ်ခုရလာတယ် အဲ့ဒါက ဘာလဲဆိုတော့ သီချင်းက Verse တွေ Cho တွေ မရှိပဲ တစ်တန်းထဲပြေးနေတဲ့အတွက် Vocal ကို အချို့နေရာလေးတွေကို Distort by Overload သုံးချင်တယ် လို့ အောင်ချမ်းမင်း ကိုတိုင်ပင်ကြည့်တယ် The Peacists တို့ ဆိုတာ ဘောင်တွေမထားတဲ့ဘဲတွေဆိုတော့ နှစ်ခါမပြောရဘူး အဲ့လိုနဲ့ သီချင်းရဲ့ တတိယအပိုဒ် (01:35-01:54)  မှာ Preamp က Gain တွေ အကုန် push ပြီး Interface မှာ pad ခံပြီး ဖမ်းခဲ့ဖူးတယ် ဒါကတော့ Clip တွေကို Distort by Overload နဲ့ သုံးလို့ရတယ်ဆိုတာလဲ ပြောပြတာပါ 

 

နောက်ထက် Mastering တွေမှာ များသောအားဖြင့် Clipping Distortion တွေကို ရှောင်ကျဥ်ကြပေမယ့် Imagine Dragons တို့ရဲ့ Radioactive မှာဆို Clipping Distortion (ဒါမှမဟုတ်) Digital Clipping ကို တောက်လျှောက်မဟုတ်ပဲ အပိုဒ်နှစ်ပိုဒ်မှာ ခွဲသုံးသွားတာ သိသိသာသာကို တွေ့ရတယ်ဗျ  ဒါက Mastering မကောင်းလို့ Clean မဖြစ်လို့  မဟုတ်ပဲ Effective ဖြစ်အောင် သုံးသွားတယ် ဆိုတာငြင်းမရပါဘူး အဲ့သီချင်းက Grammy Award နှစ်ခု တောင်ရခဲ့တာက သက်သေပြနေပါတယ် ( ဒီမှာကြည့်ပါ )

Clapping Distortionတွေဟာ အခုနောက်ပိုင်း Electionic Music တွေ ၊ Aggressive  ဆန်တဲ့ Music Type တွေ မှာ သုံးလာကြပြီး Clean ဖြစ်တဲ့ ကောင်တွေ ၊ Acoustic တွေ မှာ တော့ လုံးဝ မသုံးကြတာတွေ့ရပါတယ် ။

 

အချုပ်ပြောရရင် Clipping Distortion တွေ Distort by Overload တွေဟာ လုံးဝ မကောင်းတဲ့ဟာ ကြီး ရှောင်ကို ရှောင်ရမယ့် ဟာလို့ တွေးစရာမလိုကြောင်း Effective ဖြစ်အောင်သုံးလို့ရကြောင်း လေ့လာနေတဲ့ ညီကိုတွေအတွက် infomation ပေးရင်းနဲ့

ဒီနေ့တော့ ဒီလောက်ပါပဲဗျာ………. 

ကြိုက်နှစ်သက်ရင် ညီကိုတို့ရဲ့ Facebook မှာ website လေးကို Share ပေးခြင်း ဒါမှမဟုတ် ဘော်ဒါတွေကို လက်တိုပေးပါဦးလို့ အကူညီတောင်းပါရစေဗျာ 

 

Leo (micro)

Frequency Studio 

Please Support Me